Video
Read full review
2019-07-08
276 views
冇諗過係韓國街的一眾韓國菜之中，竟然隱藏了一間專食串燒嘅居酒屋。門面十足日本風格，這種低調的小店總是讓人覺的很舒服，也很期待會有甚麼驚喜。有開放式吧台位可以望住師傅整野食，一入去就聞到串燒的香味，未點菜先興奮。 睇起Menu就一張紙，但揀落選擇都幾多，記得睇埋黑版上面D限定菜式。花多眼亂於是叫服務員介紹，超級Nice而且介紹得好詳盡！先上個店員推介嘅龍躉串，好厚肉而且肉質比想像中更柔軟，冇諗過魚同孜然味都幾夾，鮮味又香口。 鐘意食牛舌所以每次食串燒都點，但都因為咁中過幾次伏。呢度竟然俾到驚喜感我，牛舌完全唔乾身，彈牙得黎食到濃濃嘅牛舌香味，一串唔夠喉到埋單前仲要點多串回味！安格斯牛排店員建議3成熟最好味，但朋友怕太生點左5成熟，依然係好靚嘅粉紅色。牛排多汁而且肉味好濃，旁邊嘅辣油算係錦上添花。 蒿荀雞翼拆骨再釀蒿荀，算係心機菜。脆脆的雞皮、嫩滑的雞肉加埋爽脆嘅蒿荀，口感好豐富，推薦！日本產地特有品種的生蠔，大大隻好肥味，而且夠哂鮮甜。個人覺得貴左少少但值得一試！燒菠蘿擺盤好精緻，不過重點都係味道，好多汁好清甜，食完肉食件菠蘿好清新。芝士年糕燒到外脆內軟，好好味！！（但就細舊左少少）茄子
有開放式吧台位可以望住師傅整野食，一入去就聞到串燒的香味，未點菜先興奮。
睇起Menu就一張紙，但揀落選擇都幾多，記得睇埋黑版上面D限定菜式。花多眼亂於是叫服務員介紹，超級Nice而且介紹得好詳盡！
先上個店員推介嘅龍躉串，好厚肉而且肉質比想像中更柔軟，冇諗過魚同孜然味都幾夾，鮮味又香口。
鐘意食牛舌所以每次食串燒都點，但都因為咁中過幾次伏。呢度竟然俾到驚喜感我，牛舌完全唔乾身，彈牙得黎食到濃濃嘅牛舌香味，一串唔夠喉到埋單前仲要點多串回味！
安格斯牛排店員建議3成熟最好味，但朋友怕太生點左5成熟，依然係好靚嘅粉紅色。牛排多汁而且肉味好濃，旁邊嘅辣油算係錦上添花。
蒿荀雞翼拆骨再釀蒿荀，算係心機菜。脆脆的雞皮、嫩滑的雞肉加埋爽脆嘅蒿荀，口感好豐富，推薦！
日本產地特有品種的生蠔，大大隻好肥味，而且夠哂鮮甜。個人覺得貴左少少但值得一試！
燒菠蘿擺盤好精緻，不過重點都係味道，好多汁好清甜，食完肉食件菠蘿好清新。芝士年糕燒到外脆內軟，好好味！！（但就細舊左少少）
茄子已經去皮去籽，所以食落好軟滑，可能食得多大陸重口味燒茄子，呢個味道比想像中更清淡，我好鐘意上面嘅木魚絲。
明太子茶漬飯個人覺得偏咸，更喜歡用鰹魚湯底嘅手打鳥冬。
串燒有樣好，每樣少少可以試到唔同食材，今晚食左好多野。呢度嘅師傅烹調水準好高，每樣野火喉都剛剛好，加上簡單調味已經好食，絕對可以再encore，淨係為左個牛舌都要黎啦！
Post
