Video
Read full review
2019-10-03
1530 views
成日都周圍去旅行，但就無好好咁遊覽過香港。今日決定跟網上打卡好去處好好咁遊覽下西環堅尼地城一帶，行到堅尼地城海旁附近，發現到間有8成顧客都係外國人既西餐，咁唔洗諗一定好食啦。入到去發現係比想象中大好多，行極都仲有。環境寬敞得黎又唔會好嘈吵，仲有隊live band演唱d懷舊抒情歌，坐係度好relax。Steamed New Zealand Mussels首先要講既係真係好大碟，超過10隻青口，好足料。 青口非常肥美多汁，仲食到淡淡既蒜味同臘腸味。Margarita Pizza非常番茄既一個Pizza，滿滿既番茄，加上burrata cheese，淡淡既芝士味1855 Black Angus Ribeye好大塊既肉眼扒，切落就已經知道好軟熟，好容易切。叫左Medium rare就真係整到岩岩好，肉質好滑又唔鞋。作爲伴碟既番茄同薯仔一d都唔失色， 原個大番茄食落非常甜， 薯仔加左少少鹽調味已經好好食。Beer Paddle一共6杯不同既手工啤酒，基本上每個星期都有變動，視乎佢地果排整左d咩。後面果2杯睇落好深色，仲以爲好苦，但點知原來無咩苦味，仲有少少西柚既味道。個人最中意第二杯同第三杯，
入到去發現係比想象中大好多，行極都仲有。環境寬敞得黎又唔會好嘈吵，仲有隊live band演唱d懷舊抒情歌，坐係度好relax。
Steamed New Zealand Mussels
首先要講既係真係好大碟，超過10隻青口，好足料。 青口非常肥美多汁，仲食到淡淡既蒜味同臘腸味。
Margarita Pizza
非常番茄既一個Pizza，滿滿既番茄，加上burrata cheese，淡淡既芝士味
1855 Black Angus Ribeye
好大塊既肉眼扒，切落就已經知道好軟熟，好容易切。叫左Medium rare就真係整到岩岩好，肉質好滑又唔鞋。作爲伴碟既番茄同薯仔一d都唔失色， 原個大番茄食落非常甜， 薯仔加左少少鹽調味已經好好食。
Beer Paddle
一共6杯不同既手工啤酒，基本上每個星期都有變動，視乎佢地果排整左d咩。後面果2杯睇落好深色，仲以爲好苦，但點知原來無咩苦味，仲有少少西柚既味道。個人最中意第二杯同第三杯，帶有少少果味又甜甜地，好refreshing。
Berry Lemonade Popsicle
鮮果做既雪條 - 本身雪條就已經係草莓味道，加埋真實既莓果，口感更加豐富。
檸檬雪葩 - 檸檬雪葩下面加埋d花生粒，中和左雪葩本身既酸度同甜度，又多左層口感，正！
Lamington Fondue
個朱古力火鍋一黎，隔離枱就即刻好羡慕咁望住我地，隨即又叫左份，哈哈。火鍋略嫌唔夠熱，但勝在賣相十足，朱古力味道非常濃郁。
Post
