宏 (Moved) New Location

今晚食完晚飯係尖沙咀行，行行下the one覺得有D餓，剛巧黎到好多野食果層，呢間「宏」其實經過幾次都好想試架啦，今晚終於有機會！因為係食甜品既關係，就叫左一個抹茶甜品SET，不過唔好睇小，都好豐富好好味！首先一定要試呢件抹茶小蛋卷，濃濃既抹茶味滲透卷蛋入面，仲有Ｄ CREAM都係口感十足！然後有２件抹茶雪糕拿破崙，雪糕固然好食，我特別鍾意個餅皮，香脆可口！中間果杯係京都宇治抹茶奶配白玉丸子，熱辣辣既抹茶入口一陣溫暖透全身，白玉丸子煙靭有口感！而呢款北海道3.7牛奶布甸又係非常嫩滑，為全份抹茶甜品SET一種不一樣的點綴！可惜係呢件MACAON既味道怪怪地，否則就錦上添花啦！