漁獲浜燒 (Closed)

今晚應朋友邀請黎到位於尖沙咀的漁獲浜燒，是一間新開的居酒屋。環境新浄光猛，交通便利。海鮮好吸引，但成日驚燒唔熟，依度有受過訓練的員工一路幫你燒，仲會一路介紹每一件海鮮的特點同產地。燒完連分幾多件，點上碟都有指引，好專業。對我依D鍾意食但唔鍾意做的人黎講就岩哂。味噌蟹甲羅燒配多士 $78︰係皇牌菜，兩個松葉蟹蓋已經有蟹膏、蟹肉同味噌，另外仲有一隻生的鵪鶉蛋。員工先把燒蟹蓋至半熟，再加入鵪鶉蛋攪勻，非常香口，蟹膏、蟹肉味道新鮮，加上脆麵包糠，口感一流。特盛漁獲浜燒盛合 (4人前) $1628既然有專業人士燒，就食豪D! 依個盛合一上枱已經贏哂，海鮮種類多，又大大件!! 珍寶大蝦名符其實，長度有個爐咁長，啖啖肉，彈牙鮮甜。原隻魷魚有少少鹽係表面吊味，再用火槍係表面燒，更爽口又唔會乾，新鮮甜美。新鮮鮑魚係個爐上掙扎，一路燒佢一路扭，好殘忍但好新鮮，爽口鮮甜。其他貝類的海鮮都燒得好爽口惹味!以依個價錢，食到咁新鮮的海鮮，咁專業的服務，值得一試。