茶色生香 (天一商城)

Open Now

Now Closed

我喜歡濃味而留香嘅芝士茶，試過內地較出名嘅芝士茶，發覺始終唔夠香濃！經朋友介紹呢間茶色生香，佢勁讚呢間飲品多選擇，而且味道香濃，見到喺我屋企附近都幾方便！買嚟飲吓先！呢間茶色生香有好多水果選擇，有荔枝、雜莓、芒果、火龍果、西瓜🍉等！我選擇咗火龍果，可惜無貨，我就選擇咗西瓜，少糖少冰係必然啦！一攞起第一時間先由個蓋嘅小窿飲一啖芝士！嘩!好香濃又咸香嘅芝士味，加上有厚度嘅口感，香味由口腔直上到達鼻腔，勁香呀！忍唔住飲多幾啖芝士先飲西瓜汁🍉！西瓜汁以為係得個色，應該係無乜味，點知真係鮮榨出嚟嘅西瓜汁，好清香又清甜味嘅味道！好幸福呀！喺而家疫情下能到飲到美味而香濃嘅芝士茶，實在難得！初時無諗過一間外貌平平無奇嘅飲品店，原來係臥虎藏龍嘅！仲要啲味道優秀過其他有名氣嘅飲品店多多聲呀！能夠喺屋企附近可以飲到咁好嘅茶實在難得！除咗芝士茶系，仲有其他台式飲品！值得一讚個杯好靚，好代表香港🇭🇰！正正正！