Video
Read full review
2022-07-26
861 views
有海港城coupon，見呢間長期人龍店，老婆都想試，就把心一橫去排隊試試，點知換來一肚氣。1. 排隊等位等了兩個小時，不過這個預了，所以沒有話說，只要食物質素好就行2. 入座時服務員就即問是否點片皮鴨，那排咁耐，當然要食啦！因此，入座時服務員就立即人手落單。可是，到入座後用QR code單，竟然出現重覆下單片皮鴨的情況。立即叫服務員改單，得知之後無任何feedback，QR 系統又無反映，追問兩次，待應只是放低一句「跟跟」，之後就無之後。以為重覆下單是自己的問題，但偷聽到幾枱客，都是同一情況，那就是餐廳的問題了！3. 共點了三道菜，第一樣牛肉餅是5分鐘上菜，第二樣小籠包10分鐘上菜，片皮鴨竟然等了近一個小時才到！那早早落單為左咩？其實我們不是最灰，隔壁一枱，早我們入座，都我們食完片皮鴨，他們還未上，他們就真的火了！4. 片皮鴨等一小時，好食都放過他們。誰知，粉皮是凍的、鴨是凍的、鴨皮不脆沒有油香，肉不滑！當堂真心火左，$198+1的半集片皮鴨，唔好話好貴，但也不是平，等兩個小時，咁既質素，玩咩！真心，平過他們的小店，質素好過他們幾班！5. 等食途中、打算check下單，一是看看重覆下的
1. 排隊等位等了兩個小時，不過這個預了，所以沒有話說，只要食物質素好就行
2. 入座時服務員就即問是否點片皮鴨，那排咁耐，當然要食啦！因此，入座時服務員就立即人手落單。可是，到入座後用QR code單，竟然出現重覆下單片皮鴨的情況。立即叫服務員改單，得知之後無任何feedback，QR 系統又無反映，追問兩次，待應只是放低一句「跟跟」，之後就無之後。以為重覆下單是自己的問題，但偷聽到幾枱客，都是同一情況，那就是餐廳的問題了！
3. 共點了三道菜，第一樣牛肉餅是5分鐘上菜，第二樣小籠包10分鐘上菜，片皮鴨竟然等了近一個小時才到！那早早落單為左咩？其實我們不是最灰，隔壁一枱，早我們入座，都我們食完片皮鴨，他們還未上，他們就真的火了！
4. 片皮鴨等一小時，好食都放過他們。誰知，粉皮是凍的、鴨是凍的、鴨皮不脆沒有油香，肉不滑！當堂真心火左，$198+1的半集片皮鴨，唔好話好貴，但也不是平，等兩個小時，咁既質素，玩咩！真心，平過他們的小店，質素好過他們幾班！
5. 等食途中、打算check下單，一是看看重覆下的片皮鴨有沒有取消，二是看看幾多錢，看看會否加少少食物湊足$200再用多一張券。第一次叫，女待應放低一句「一陣俾你」，15分鐘無影；第二次叫，男待應放低一句「我幫你看看」，又沒有之後；到第三次上片皮鴨時再要求，女待應放低一句「我幫你跟跟」，又無左影！仲要三個待應既語無超差，同發客脾氣一樣。自問唔係西客，有時餐廳落錯單都話算，唔好再整了，都唔介意茶記粗聲粗氣既服務態度同語氣。但係，charge 客一個中高級餐廳價錢，茶記既服務仲好過佢！
6. 到第四次，9:35pm，終於問到check 單，先差少少錢就可以用多張coupon，那就不如叫個甜品啦！點知，佢同我講last order左，仲反問我無同事同我地講咩？大佬，有講我就一早落左啦，仲只要先想落？回想，9:15- 9:30pm有一個女待應不發一聲，從我們的枱面搶走餐牌，可能就當講左掛，真係唔好意思，唔係佢地心裡面條蟲！
7. 無得點甜品，那就點飲品啦！我們睇單計過，叫一杯飲品A，點都夠$400，但個待應竟然話唔夠，轉第二杯貴少少的飲品B，又話唔夠$400。問點解，只係識得同地講話唔夠，最後來往了5-10分鐘，原來係唔計服務費，咁直接講清楚咪得lor！最後，打算加一左杯飲品C，我們看過餐牌肯定夠！點知我地落單，check都無check一句就話唔夠，最後她check左，係$402（不計+1）剛好夠。同我地confirm單，都唔知佢聽咩，講到明只要一杯飲品C，唔知點解可以聽到飲品A+飲品B，我地話唔係，只係一杯飲品C，又可以聽到A+C，跟住B+C，都唔知係我重覆三次既一句「只係一杯飲品C」，呢句廣東話講到好係火星文，定係個待應理解有問題。
老實講，希望營造高級餐餐，服務質素扮都要扮出來。先不要說基本的電話訂枱都沒有，連店內的服務質素也可以差過一間茶記。主打片皮鴨，但粉皮是凍的、鴨是凍的、鴨皮不脆沒有油香，肉不滑，仲好意思叫主打。
呢一間所謂主打片皮鴨，所謂「高檔」中餐廳，真的可一不可再！
Post