臺坊 (加拿分道) (Closed)

今日黎到尖沙咀工作，突然好想食鹽酥雞，就即刻四圍搵到邊到有台式餐廳，咁岩就搵到呢間「臺坊」。餐廳係正轉角位，大大隻字寫住「臺坊」好易搵。我4pm去到，依然坐滿晒人，睇黎都幾受歡迎，就等我試試先！呢到主打都係台式野食，講得出既台式食物呢到大部份都有。今日我就叫左鹽酥雞同佢推廌既黑糖仙草凍。鹽酥雞話咁快就黎到，雞份量都好多，仲有魯肉飯同滷蛋。先講主角鹽酥雞，炸得好脆，面頭唔會好多粉，而且亦唔會太咸，食落入面啲雞仲係嫩滑多汁，一啲都唔老。如果有得加七味味或梅子粉就滿分！魯肉飯唔會太濕，有次去台灣食成舊糊仔咁，令我對魯肉飯無咩好感，呢到反而好食啲！黑糖仙草凍，黑糖味都算出，食完咁熱氣既鹽酥雞食返啲仙草下火就岩岩好！埋單都係67蚊，有野食有台式野飲，好抵！