Video
Read full review
2017-05-12
302 views
正所謂開工做飽，收工食飽飽經過今日OT OT再OT, 收工後決定同同事去食好西，慰藉自己空虛既心靈，4個人收工後坐的士，黎到呢間叫（焱）唔識讀既火鍋店!可能因為係平日及太夜既關係，間舖無咩人，加上呢間火鍋店只係開張幾個月，唔係太多人認識，好再有同事食過強力推介我地，立馬試試! 佢既裝修簡潔明亮，啲野全部好新!經佢地職員介紹下，一行四人最終選左呢個粥底海鮮火鍋既套餐頭盤係柚子沙律及鮑撈起手撕雞，呢兩個完全係開胃菜，首先柚子沙律落左醋，酸酸甜甜夠醒胃，菜都幾算新鮮。而手撕雞佩上其他瓜菜佩料一齊食，味道有層次。不過食完之後反而更加肚餓!火鍋醬料嘅選擇唔少，職員介紹我後，我最想試係中間呢個叫蒙古涮涮醬，佢有少少似麻醬，但就比麻醬多左蒙古既風味，好難形容套餐有包飲品，有啲飲品係要加錢，我就揀咗芒果沙冰，而同事就揀咗菠蘿沙冰兩杯我都試過，好飲唔太甜，最緊要係炎炎夏日中佢夠冰凍，大杯啲就好啦!主菜黎啦! 黎既時候真係比佢嚇一跳，因為全部都超巨型巨形聖子，大大隻既鮑魚，包到好似花咁既魚片，大蜆，大蝦，東風螺，擺得好靚好吸精，不過味道才是重點用最大力打邊爐啲海鮮好快就熟，基本上滾幾滾就食得，佢所有所有海
可能因為係平日及太夜既關係，間舖無咩人，加上呢間火鍋店只係開張幾個月，唔係太多人認識，好再有同事食過強力推介我地，立馬試試! 佢既裝修簡潔明亮，啲野全部好新!
經佢地職員介紹下，一行四人最終選左呢個粥底海鮮火鍋既套餐
頭盤係柚子沙律及鮑撈起手撕雞，呢兩個完全係開胃菜，首先柚子沙律落左醋，酸酸甜甜夠醒胃，菜都幾算新鮮。而手撕雞佩上其他瓜菜佩料一齊食，味道有層次。不過食完之後反而更加肚餓!
火鍋醬料嘅選擇唔少，職員介紹我後，我最想試係中間呢個叫蒙古涮涮醬，佢有少少似麻醬，但就比麻醬多左蒙古既風味，好難形容
套餐有包飲品，有啲飲品係要加錢，我就揀咗芒果沙冰，而同事就揀咗菠蘿沙冰
兩杯我都試過，好飲唔太甜，最緊要係炎炎夏日中佢夠冰凍，大杯啲就好啦!
海鮮拼盤
21 views
0 likes
0 comments
主菜黎啦! 黎既時候真係比佢嚇一跳，因為全部都超巨型巨形聖子，大大隻既鮑魚，包到好似花咁既魚片，大蜆，大蝦，東風螺，擺得好靚好吸精，不過味道才是重點
用最大力打邊爐啲海鮮好快就熟，基本上滾幾滾就食得，佢所有所有海鮮都超新鮮，食海鮮不用任何醬汁湯底，新鮮就會鮮甜!
呢個係跟餐加$20焱手切封門柳,聽講係近牛嘅橫隔膜旁邊既肉，一隻牛得好少 好珍貴，食落比普通牛重牛味，好牛必食!
呢個跟餐加$38 焱選手切Prime肥牛,望落已經夠晒靚，佢比之前那款爽口，脂肪比例夠平均，呢款係我鐘意既口感!
我們跟餐隨機選左五個佩料，最值得推介 係牛丸，因為入面有辣有彈牙，鐘意食辣一定要試。而且， 蟹柳足足有8吋長，啖啖肉唔野少，其他都全部好好味，未能盡錄!
最後係今日嘅重頭戲， 粥底吸收曬所有海鮮嘅精華，而且隻蟹一直滾到最尾先食， 所以滾粥食既時候個粥係超鮮甜，加上粥底最後加入南瓜，芋頭，頭菜脯及蛋漿。即使係好飽都忍唔住佢既魔力，食到個鍋見晒底
總括今餐，價錢合理，超值得試，個粥底真係幾飽都抗拒唔到
Post
