石一燒 (九龍城) (Closed)

💥今日同樹熊一齊放假，特登去九龍城行下，慢活一下。黎九龍城唔一定食泰國菜的，兜下兜下，係啟德道發現有一間隱世的燒肉店《石一燒》，食石燒和牛日本料理🐮，咁特別就試一下。📌一入門口大大隻「Hello」字樣歡迎食客，仲有一系列日式清酒擺設🍶，感覺好別緻。📌店鋪唔算好大，裝潢清新簡潔，木枱木椅的格局好日系的感覺🎐。📌牆上還有日本清酒大吟釀簡介🍾，可以長知識喎📚。📌走到餐廳盡頭仲有幅塗鴉牆🎨，寫滿了各類留言📝、又有詩詞，還掛滿了小朋友的藝術作品🖼，不知道是誰人的心聲呢🗣？📌和牛燒肉餐有2人及4人分量，另外仲有豚肉🐷，羊肉🐑，和牛🐄，美國牛小排🐂一人餐，全部套餐都包沙律，櫻花蝦味噌湯，白飯或者加$15升級稻庭烏冬🍜，飲品及日式甜品。📌餐廳仲舉辦咗個飲啤酒遊戲🍻，如果男士7秒內飲完一杯350毫升的日本啤酒或者女士9秒內飲完，就可以免咗個杯啤酒嘅價錢，如果繼續挑戰成功🏆就可以繼續免費🆓！又幾好玩喎！啤酒可以揀日本沖繩Orion或者Sapporo！極上和牛盛會之2人前，$698燒牛二人套餐有三款，分別有唔同牛的級數，價錢都因應相對的級數調整，呢啲情況下，選中間價錢的套餐應該最適合，唔貴唔平，又食到質素。