越北牛肉粉

Open Now

Now Closed

先前食過兩次覺得味道都唔差，今晚再去點左個慢煮豬手飯$66同生牛肉牛肉丸湯粉$68。碗湯粉嚟到一望覺得好唔對路，得一片細得可憐嘅牛肉同3粒迷你牛肉丸，撩再兩撩都再無發現，我即刻問問職員A，呢個係咪正常份量嚟？佢望一望碗粉跟住就話「嗯，我問問幫你加番幾片牛」，無耐另一位職員B過嚟話「問咗廚房，話係得一片牛肉。」我反映餐牌張相同呢家上枱完全兩樣野，呃得好緊要下。職員B叫我唔好睇餐牌張相，唔好信，有咩就同公司投訴啦。諗番真係幾好笑望住個餐牌App落單，但叫我唔好信張相預左有落差，但未至於得「一」片啩，係$68碗喎！不過當時我真係笑唔出，咁我叫佢收番走啦，伏到咁無興食啦飽晒！