Video
Read full review
2014-05-18
3058 views
今日約好左班粉絲黎呢到開心一下~之前已經好想去,今日終於有機會一試由於太過輕率,冇訂枱,由於我地人數多,好難夾到大枱~所以要等多一陣又因天雨關係,露天部份唔開放~~所以我地一班人喺門口等,門口仲有D外賣小食可供大家望梅止渴,但係訂左枱都會有意外發生,等位期間眼見有一年輕型男拎住個蛋糕帶同几個朋友前來,同外藉服務員小姐講話訂左枱,只見外藉服務員小姐眼碌碌咁望住型男話今日冇BOOKING紀錄..只見型男表現無奈,企喺到傾左陣等左陣之後就離開現場..我心中都同情佢地呢~一路等一路望住D鉄板美食行黎行去~口水都流晒..等左成個鐘~終於有張大枱了~緊係第一時間點菜啦單點同套餐的款式同樣豐富~齋睇D名係唔會估到個樣係點~最好係睇圖同問服務員!因為太餓,我地好快就揀好心水了~一份4人套餐同單點小食野食黎LA~~真係唔識分乜野打乜野~主要係咖哩薄餅,炸物,鉄板燒,仲有土耳其特色飯同沙律咖哩鷄薄餅 - 由於有粉絲唔食得辣的關係,所以點左個唔辣的咖哩,雖然話唔辣,仍不失咖哩本身的惹味~再點埋似既鬆軟又煙靭的牛油薄餅,真絕配~炸洋蔥 - 誠意之作~洋蔥切小件一一沾上炸醬再一一放入油鍋大火炸~外面脆又熱~好開
由於太過輕率,冇訂枱,由於我地人數多,好難夾到大枱~所以要等多一陣
又因天雨關係,露天部份唔開放~~所以我地一班人喺門口等,門口仲有D外賣小食可供大家望梅止渴,
但係訂左枱都會有意外發生,等位期間眼見有一年輕型男拎住個蛋糕帶同几個朋友前來,
同外藉服務員小姐講話訂左枱,只見外藉服務員小姐眼碌碌咁望住型男話今日冇BOOKING紀錄..
只見型男表現無奈,企喺到傾左陣等左陣之後就離開現場..我心中都同情佢地呢~
一路等一路望住D鉄板美食行黎行去~口水都流晒..
等左成個鐘~終於有張大枱了~緊係第一時間點菜啦
單點同套餐的款式同樣豐富~齋睇D名係唔會估到個樣係點~最好係睇圖同問服務員!
因為太餓,我地好快就揀好心水了~一份4人套餐同單點小食
野食黎LA~~真係唔識分乜野打乜野~
主要係咖哩薄餅,炸物,鉄板燒,仲有土耳其特色飯同沙律
咖哩鷄薄餅 - 由於有粉絲唔食得辣的關係,所以點左個唔辣的咖哩,雖然話唔辣,仍不失咖哩本身的惹味~再點埋似既鬆軟又煙靭的牛油薄餅,真絕配~
炸洋蔥 - 誠意之作~洋蔥切小件一一沾上炸醬再一一放入油鍋大火炸~外面脆又熱~好開胃的小朋友菜式~
鉄板燒 -> 有燒蝦 燒鷄 燒羊骨~三樣的味道都唔同~
燒羊骨超正必食~~好有羊味但唔算羶,配合埋香草,味况易入口~適合唔敢食羶的香港人口味~
燒虎蝦 - 一碟三大隻,啖啖肉~燒得啱啱好~底層用洋蔥墊住,惹味又唔會將D蝦整得太熟~正~
白汁燒鷄 - 鷄肉經醃製過再拎去燒,感覺比較乾身,冇乜肉汁~可能土耳其的風格係咁,幸好鷄的外層比鉄燒高溫燒過~食落脆脆地,又香又惹味,好吸引!!
土耳其特色燒鷄飯 - 好少食飯會加沙律汁~燒鷄切件燒完再加埋少少洋蔥蕃茄一同乾炒,好奇妙的感覺好味道~!
燒鷄沙律同雲遊沙律(容許我再講多次..呢到D菜式個名同D賣相,真係好難配搭得到~) - 好鮮的菜配以餐廳入面的特色沙律醬~感覺好得意~同平時食開的感覺有點唔同~唔錯. 燒鷄部份感覺真係燒出黎,唔係用煎,所以比較乾身~但好有鷄味~正~
餐飲我地點左好有特色的薄荷茶,有凍有熱
凍的感覺真係好冰涼, 薄荷清香涼到入心~
熱的可以勁通鼻~薄荷的舒服感覺就喺口鼻之間來來去去~男女啱飲
再來一份清甜的生果,每人少少清去口中濃味的餘香~!好貼心~
總括黎講..絕對值得再去~安全起見,訂枱後都要記得早點去等位...
Post
