Hot Pot 熱‧海鮮火鍋私房菜 (Closed)

呢間火鍋店裝修幾有特色，卡座位以不同港鐵站命名~而且有中國風圍欄間隔，感覺更自在! 叫二人餐肉類、小食、餃類、菜類同面食都會有唔同選擇，幾有彈性，鐘意點拼都得!我地揀沙嗲豬骨鍋，大大件豬骨無花假~肉類選手切安格斯牛小排，脂肪比例均勻，焯幾下已經食得，入口軟熟。另最鐘意係韮菜豬肉餃，韮菜夠香又鮮嫩，餃皮夠薄~另外仲有炸響鈴、鮮蝦水餃、烏冬同蔬菜拼盤!個餐仲包2杯無酒精飲品添~而家一人火鍋越開越多，呢度除咗卡座外，仲有幾間VIP房同好多大枱，仲有幾部掛牆大電視，見隔離枱成班人圍威喂食得好開心，大班人嚟打邊爐真係FIT晒~