Video
Read full review
2010-08-12
10 views
5月14日, 首先真係十分多謝Openrice邀請我地去呢個食家殿堂晚宴~ 不過由於名額只有一個, 呀比就讓我呢個大食怪出席~ 今次呢個飯局主題係鴨肝, 真係好喇! 啱晒最鐘意食肝嘅我~由於呀菲本身係個路癡, 又未去過今次嘅飯局場所, 實在覺得地點有d難搵… ::: Assorted Bread Basket :::麵包籃賣相精美, 由軟身意大利包至硬掘掘grissini都有. 不過可能擺咗一段時間, 已經不再新鮮熱辣~ 味道唔算差嘅, 但凍晒就都幾出事…::: Basil Sphere of Foie Gras and Ducking Rilette :::呢個菜式幾特別, 而且亦都考心機同功夫. 球體裡面係濃濃嘅鵝肝同鴨肉, 味道算不錯, 但側邊d啫喱無乜味, 下面的多士也太硬… 基本上好難將多士同鵝肝球一齊食. 可幸鵝肝本身味道濃惹但不油膩, 都唔太需要多士去平衡味蕾~::: Lobster Bouquet of Zucchini Flower, Foie Gras Royale :::賣相實在要讚! 小青瓜煮得淋甜, 瓜頂的青瓜花蕊釀入彈牙爽口的龍蝦肉, 蝦味濃郁~ 而青瓜花又
由於呀菲本身係個路癡, 又未去過今次嘅飯局場所, 實在覺得地點有d難搵…
::: Assorted Bread Basket :::
麵包籃賣相精美, 由軟身意大利包至硬掘掘grissini都有. 不過可能擺咗一段時間, 已經不再新鮮熱辣~ 味道唔算差嘅, 但凍晒就都幾出事…
::: Basil Sphere of Foie Gras and Ducking Rilette :::
呢個菜式幾特別, 而且亦都考心機同功夫. 球體裡面係濃濃嘅鵝肝同鴨肉, 味道算不錯, 但側邊d啫喱無乜味, 下面的多士也太硬… 基本上好難將多士同鵝肝球一齊食. 可幸鵝肝本身味道濃惹但不油膩, 都唔太需要多士去平衡味蕾~
::: Lobster Bouquet of Zucchini Flower, Foie Gras Royale :::
賣相實在要讚! 小青瓜煮得淋甜, 瓜頂的青瓜花蕊釀入彈牙爽口的龍蝦肉, 蝦味濃郁~ 而青瓜花又夠清甜, 好味~ 墊底仲有一片薄薄嘅蒸蛋白, 配上鵝肝醬汁, 味道一淡一濃, 更突出鵝肝鮮味. 成個菜有創意, 有心機, 味道又好~ 很欣賞!!
::: Sushi Crispy Canadian Beef with Black Muscat Grape and its Crispy Peel :::
加拿大牛壽司兩食, 左邊一件以熟牛肉同提子乾壽司. 壽司飯稍微炙過, 調味亦都唔錯~ 不過個牛肉就肉味較淡, 一般啦~ 另外隔離個炸牛肉卷就有d怪, 炸過嘅紫菜外層炸皮又唔係好脆, 入面粒牛又無乜肉味… 中間個士多啤梨裝住d沙律醬, 原來係用黎點個炸牛肉卷一齊食… 不過我地大部份人都係食晒先知…
::: Foie Gras Croustillant on Seared Akami of Tuna and Organic Fig Tartare :::
火上加油之俵俵者! 原本已經係成擔油嘅鵝肝再另用黎炸, 配上面頭一pat甜甜地嘅醬, 雖然味道唔錯, 質地亦能做到外脆內軟, 但亦實在太過油膩喇…半熟吞拿魚扒則唔係我杯茶, 肉質太實唔夠嫩, 而且有d腥.
::: Braised Lamb with Blue Chipper Potato, Wild Fennel Spatzle :::
黎到主菜, 要了烤羊膝配藍薯薄片. 羊肉份量好大, 置於排得靚靚嘅薄薯片之上. 大廚入黎介紹呢個羊係包咗層豬網油去烤, 果然能為羊肉增添一份豬油香~ 但牛膝本身質地唔算嫩, 亦無乜羊羶味, 只是一般… 反而墊底嘅薯仔充分吸收晒羊肉同豬油香, 而且夠薄, 焗得夠淋, 好好味!!
::: Crème Brûlée of Foie Gras and Honey, Cocoa Sherbet :::
喜歡食甜品嘅我, 本身對呢個鵝肝Crème Brûlée同Cocoa Sherbet都頗期待~ 鵝肝Crème Brûlée面頭係有層唔知係油定咩嘅透明野. 質地係綿綿的, 食落又鹹又甜其實幾得意! 不過係有d似鹹蛋mousse咁… 另一個Cocoa Sherbet就麻麻地, 可能Crème Brûlée味道太濃太膩, Cocoa Sherbet則略嫌可可味太淡, 又無甜味, 唔知點咁.
::: Coffee :::
飲品要了熱檸茶, 都無話特別好特別差, 只為成餐膽固醇消消滯…
::: Friandises :::
本身對macaroon興趣一般, 但見佢地賣相精緻顏色繽紛, 亦試咗一塊. 呢度macaroon嘅厚度比平時飽滿, 咬落都幾軟熟, 甜度適中, 不錯~
今次鴨肝盛宴菜式豐富, 亦從菜式賣相及烹調技巧看出廚師嘅心機~ 不過有時fusion創新唔一定好. 可能傳統簡單會更出色~ 作為一個入門級小小食家, 平時成日睇d殿堂食家嘅食評, 今次能夠參與飯局, 認識咁多位殿堂食家, 實在係一次有趣經歷! 真係多謝openrice~ 希望下次再有機會去玩玩食食啦!
Post
