必勝客 (Closed)

一行6人去pizza hut 食lunch~而家promote 緊d咩二人同四人常餐。叫了二人同四人常餐各一。total 6 soups, 6 drinks, 2 pizza, 2 rice and 2 pasta.飯同意粉都係只得兩款揀，所以我地無得揀，兩個都要咗。pizza 有幾款可揀，我地就揀咗原野風味同海洋氣息。pizza 一個分四件，厚批。材料不夠多，再加上我唔食cheese，將d cheese揀走之後，同食面包無咩分別。雞肉火腿葡汁意粉：好多醬亦好多料，葡汁不會太杰，味道也不會太濃。意粉質地好，幾滑，軟硬適中。雞肉火腿芝士白汁意粉：芝士味唔濃，連我呢個對cheese極敏感的人都唔係好食到cheese味。雞肉丸腸仔葡汁飯：腸仔好味，斜切片，大大塊，個邊有少少脆；雞肉丸就唔多覺，反而食到有好多好似扎肉ge物體，味道ok ge~雞肉粟米磨菇汁飯：呢個超膩，好似將罐金寶磨菇湯倒上飯面一樣。整體黎計不過不失，但我仍是喜歡spaghetti house 多點，起碼d野食無咁似"常餐"。