好雪片片 (Closed)

之前已經想黎試，第一係因為個名好特別，第二係d食評好似唔錯。今日經過花墟就試下，原本想食豆腐芝士蛋糕，但聽到話要等廚師整先有。。。都幾有趣，d蛋糕唔係日日有，係擇日。。。之後我試左個朱古力茶壺樣既蛋糕，同玫瑰花茶（見食評唔多妥，等我見識下係唔係咁唔對路先）。首先花茶黎先，睇個樣唔錯但好清下飲左第一杯似係清水多d，諗住應該岩岩未入味，再飲多杯，似有番薯味既清水多d。。。我試下聞下，的確冇玫瑰味。。。唔話我知花茶個名，我更本唔知飲緊玫瑰味花茶。。。極差耐左d色出左好多，諗住應該有味掛。。。點知都係冇玫瑰味，真係似番薯味加大量水。。。唔建議叫尼個，飲清水仲好。外觀好有趣，係茶壺樣，等我試下好唔 好食先。其實佢黎到已經聞到好香朱古力味。入口即溶，原來係慕絲特濃朱古力味，唔錯呀。佢沾埋白色糖霜粉仲好食大家可以試一次。整體算唔錯，出面有牌子既蛋糕店差唔多價錢，但杯花茶係我飲左咁多次最冇味果次。就算蛋糕好食，花茶影響到好低分。重要花茶50蚊，其實同水冇分別既話，即係d水值50蚊，一咁樣諗就超唔抵。另外見d食評話職員無禮貌，我又唔見得喎，反而覺得佢地好有禮貌，可能見仁見智吧。。。ps1.原本淨係想食蛋