Outdark (飛達商業中心)

Open Now

Now Closed

Outdark一直係韓國餐廳D first choice，分量同味道一直都好OK。不過，今次去到Outdark，價錢都加咗唔少，其實都正常嘅，今時今日出街食嘢一D都唔平。今次餐廳主題係櫻花主題，天頂掛住好多櫻花，好靚。Outdark Yogurt (Strawberry)，士多啤梨味好濃，同yogurt好夾，飲落唔會好甜，可以解膩。烤牛肉炒粉絲，烤牛肉一向係Outdark強項，牛肉烤得好香口，同埋份量都好多，牛肉食落好鮮甜。其他配菜都好豐富，仲有木耳，蘑菇等, 粉絲炒得好惹味，每一啖粉絲都包埋醬汁，好好味。辣炒豬肉鐵板，哩份鐵板勁豐富，有鳳梨，泡菜，紫菜飯，同埋半圈芝士粟米，中間辣炒豬肉仲有洋蔥和芽菜。豬肉用韓式辣醬一齊炒，食落好夠味道，好似去咗韓國食嘢。FD最鐘意食芝士粟米，仲撈埋紫菜飯一齊食，成份芝士粟米都比佢食曬。哩份鐵板真係超大，2個女仔食完真係超飽肚TIM。Outdark質素一直都keep得好好，以後會再encore！