一碗小麵

Open Now

Now Closed

星期五晚約咗朋友喺呢邊食飯，朋友鍾意食酸酸辣辣，我就想食碗湯麵，又想食口水雞，上網搵一搵就揀咗呢度開飯。細細間鋪頭，好似家庭式經營，後生女好有禮貌，口音唔似香港人。餐牌都有好多選擇，最後我哋決定一人揀一碗麵，另外加左兩款小食。雞絲酸辣米線 - 揀咗小辣，湯底比較濃郁，酸味唔太重，唔係我想像中嗰種酸辣，雞肉嫩，冇雪藏嘅味道，個湯好易入口，飲飲下都飲咗半碗，米線好多，如果擬佢呢個米線嘅份量再多啲湯會更加好。酸辣粉 - 呢個真心好味，原本想揀中辣，後尾店員提我地中辣可能會太辣，所以我哋都係揀咗小辣，湯底香辣野果，好鍾意嗰浸酸味，配上木薯粉，肉碎花生辣椒，好好味，都係如果湯能夠再多啲就更加好。口水雞 - 我要讚一讚佢哋嘅雞真係完全冇雪味，比起好多上海鋪都做得更加出色，口水雞嘅辣汁香，濃，嘢味，唔會太辣，亦都唔會過油，成碟雞差唔多比我食晒。麻麻哋花甲 - 一啲都唔會麻麻哋！雖然唔係我心目中大大隻嘅花甲肉，但係食得出好新鮮，麻辣麻油好香好醒胃，加埋少少芫荽蔥令到成個小食好香口。我哋冇叫野飲，店員會自己主動幫我地加茶，值得加分！下次諗住試吓佢哋個水煮牛！