入麵 (Closed)

連續幾日黃雨紅雨，真係落到咩心情都無哂。今朝見天氣好番啲，馬上約表妹lunch加睇戲開心下。路經路德圍發現了一間新開的麵店，八卦走去睇下佢個menu,馬上被他們的“朱八戒”及“牛魔王”吸引住，決定去揾佢兩位醫肚。表妹叫的蕃茄濃湯朱八戒湯麵，買相極佳，當然要抽吓水啦！蕃茄湯香甜濃稠，所謂的朱八戒原來是豬筋肉，爽口兼有肉味，絕對有驚喜！😊我叫的是牛魔王麻辣湯麵，麻勁未算太足但極香。一上枱香氣撲鼻，搞到我相都唔記得影就叉咗對筷子落去，真失禮！😅😅😅老板娘說是用了很多種不同香料調配而成，如不夠辣還可再加，肯定會讓你一吃就愛上！除了湯面我們還叫了一口燕皮雲吞及口水鷄翼兩款小食。燕皮雲吞在香港很小見到，非常特別。小小的雲吞加上濃湯蔴油和胡椒粉，好吃到無朋友。忍唔住立即encore多一個！😆老板娘極好人，見我哋食得如此滋味，私人醒咗幾隻阿姨自制水餃俾我哋試。鷄肉粟米冬菇餡，同樣出色好吃！臨完餐前叫咗杯白桃優格沙冰飲，入口香甜清爽，又是另一亮點！👍小店除湯麵、小食和台灣菓茶沙冰外，原來還供應多款特式甜品，但可惜暫時要下午6:30後才有售。一於擇日來試埋甜品，看看還有甚麼驚喜發現！😋😋😋