一碗麵 (Closed)

一直久仰大名，今日見到不用等位就試試。店內環境不錯，有大窗，外面又沒有太多人與車。 餐牌第一款就是牛肉麵， 就呢個啦～究竟一碗仲貴過日本拉麵既中式麵係咩料？首先碗麵係平日的3－4倍size。 各式各樣的牛部位都有， 仲超大舊。 好霖，肥廋岩岩好， 其實食牛都飽。面好明顯係手工製，好煙韌有掛到湯。湯底係面的靈魂， 牛肉味超濃，一點味精都無！質素同份量都係頂級。只是覺得，份量真係太大了根本食唔晒。 如果價錢一半， 份量一半， 就會更親民。