Video
Read full review
2020-01-21
2359 views
從來都無諗過要寫負評俾任何一間餐廳，但估唔到呢間餐廳，令我引唔住要俾好多個嬲😡😡佢地。原本諗住食個開心團年飯，結果，一肚子氣收場。話說我哋book了晚上七點半枱。我哋先頭部隊準時到場。到櫃檯報到時，先係櫃檯阿姐話’唔關佢事’,再搵個疑似老細的物體幫我哋處理。坐低咗十五分鐘，無人理會我哋，亦無人問我哋要咩茶水。幾經辛苦，終於叫到茶水。然後八點鐘齊人落單，搵侍應A點了八個餸菜。等到八點廿五分，一個餸都無到過，但隔離枱遲過我地到，都已經食到七七八八咁滯，我哋依然乜都未有得食，亦無人應酬我哋。搵返侍應A追單，佢𠲖𠲖哦哦幾句，又走開咗。隔了五分鐘，再搵返侍應A，追問佢有無落單，佢支吾以對後，又連人帶單走開咗。我哋愈諗愈唔對路，無理由等咗大半個鐘，都一個餸菜都無到，懷疑個侍應A落錯晒成張單俾第二張枱，連路過的上菜阿姐都識講，話梗係落錯單。响呢個時候，上菜阿姐同我哋講‘羊腩煲無晒’，我哋叫佢俾落單紙我哋望，見落單時間係.8:35’！再隔多幾分鐘，又有人再同我哋講，燒鵝賣晒🙄我哋又搵返侍應A問，究竟幾時落單。佢一句‘唔關我事，我放低左張單俾櫃檯’，跟住一副’唔關佢事‘咁走左😳🙄我哋搵疑似老細追問，疑似
原本諗住食個開心團年飯，結果，一肚子氣收場。
話說我哋book了晚上七點半枱。我哋先頭部隊準時到場。到櫃檯報到時，先係櫃檯阿姐話’唔關佢事’,再搵個疑似老細的物體幫我哋處理。
坐低咗十五分鐘，無人理會我哋，亦無人問我哋要咩茶水。幾經辛苦，終於叫到茶水。
然後八點鐘齊人落單，搵侍應A點了八個餸菜。等到八點廿五分，一個餸都無到過，但隔離枱遲過我地到，都已經食到七七八八咁滯，我哋依然乜都未有得食，亦無人應酬我哋。
搵返侍應A追單，佢𠲖𠲖哦哦幾句，又走開咗。隔了五分鐘，再搵返侍應A，追問佢有無落單，佢支吾以對後，又連人帶單走開咗。
我哋愈諗愈唔對路，無理由等咗大半個鐘，都一個餸菜都無到，懷疑個侍應A落錯晒成張單俾第二張枱，連路過的上菜阿姐都識講，話梗係落錯單。
响呢個時候，上菜阿姐同我哋講‘羊腩煲無晒’，我哋叫佢俾落單紙我哋望，見落單時間係.8:35’！
再隔多幾分鐘，又有人再同我哋講，燒鵝賣晒🙄
我哋又搵返侍應A問，究竟幾時落單。佢一句‘唔關我事，我放低左張單俾櫃檯’，跟住一副’唔關佢事‘咁走左😳🙄
我哋搵疑似老細追問，疑似老細又唔知講左乜，入左廚房就再無出過來了。
呢個時候，疑似經理拎住條蒸魚出現，我哋搵佢講返成件事，呢個經理都係一副事不關己模樣🙄🙄
成個過程，我哋一句抱歉說話都無聽到，只係見到一個推一個，連我身旁一個小學三年級的小朋友都識講，’點解佢地一句唔好意思都唔會講‘🙄🙄🙄
最後我哋乜都無食到，只食了空氣咁怒氣匆匆加一肚子氣離開。
我哋明白，呢d大時大節，忙碌有甩漏是難以避免的。我哋可以接受佢哋落漏單，但我哋絕對接受不了佢哋完全沒有意圖’補鑊‘，連講句‘唔好意思’都費時，仲要一個推一個卸膊到無朋友的態度。
就算呢間野幾咁好食都好，我哋都永遠不會再光顧，更何況我哋乜都無食過落肚😡😡😡😡😡
Post