港澳義順牛奶公司

Open Now

Now Closed

同老婆行開CWB，又大熱天時經過就入去諗住整返碗雙皮奶順便坐下涼下冷氣，一坐低即刻Order兩碗凍既雙皮奶，黎到第一口係熱既，即時同落單位哥仔講黎錯喎，帶著口音既哥仔（ 我唔係歧視）完全冇唔好意思及一句 Sorry，並即時好高姿態話我倆屈佢，我當時好清晰同佢講係要凍既，重點係連坐我隔離位其他食客都聽到，跟住佢仲串串貢話我食咗一口只可換一碗，（如果佢一早嘅態度好啲有唔好意思，我都會算數，我亦明白打工仔嗰種辛酸，I'm a nice guy）咁既態度下我當然Say No必需要換兩碗凍既，佢話唔換得，我即時拍枱話「咁我唔食喇」，佢第二秒已經將枱上兩碗嘢光速掉落桶裡去，跟住我倆一肚火就離開，真係好嬲亦唔相信而家啲人質素咁差，永不幫襯。