紅茶冰室

Open Now

Now Closed

我錯了，係我唔啱，下午三點經過見唔使排隊便入內用餐，打擾正在聊天嘅尊貴的接待師要接待我入座。我錯了，明明下午茶時段，我又去叫正價嘅豬扒旦餐，干擾咗廚師嘅運作，所以豬扒凍嘅、通粉湯係微微温的、旦係凍的。我錯了，見到麵包師高聲叫吞拿魚包出爐， 一個人食個餐咪好囉，衰貪心，舉手同接待師講唔該想加個吞拿魚包，佢用眼神望一望我然後去電腦枱按掣，我等了差不多十分鐘，再次舉手問接待師，我剛才叫了吞拿魚包未到，再等了幾分鐘才送上，原來他們關心我，擔心一出爐食麵包會熱氣，攞了一個全不熱的吞拿魚包俾，真多謝了。我錯了，你們辛苦為我送上食物，我冇雙手接，麻煩咗你地每次離遠近似將食物飛埋將枱上，真是我錯了。千錯萬錯都係我錯，下次我唔敢入嚟打擾你哋了。