Untitled Cafe & Bar (Closed)

尖沙咀咁多特色野食，今次就試試呢間手工意粉🍝好彩早兩日已經book咗位，呢間鋪頭細細，坐位都比較迫同窄，但整體燈光都有氣氛，可以同朋友吹下水🍺飲返杯，佢有唔少本地啤酒選擇，當晚我哋就無試。我地叫咗二人餐，有前菜、湯、兩份主菜，同埋飲品落完單好快就嚟咗前菜同餐湯，兩樣都好有驚喜，覺得係全晚最好食既食物😂個麵包好有香草味🌿配黑醋一齊食好夾，另外，估唔到佢有火腿卷住啲餅乾都好味，啲火腿唔係啲平嘢咁，都算有誠意另外，個餐湯好濃郁二人餐之外，仲叫咗個特色小食–避風塘燒賣，係炸過嘅燒賣，再加避風塘嗰啲蒜片，整體來講冇乜特別唔太好味不過打卡一流主角🍝等咗好耐終於出現，因為呢間鋪頭得兩個人，一位侍應，另一位就係廚師，所以除咗前菜，意粉就會等比較長既時間，晚餐時段都爆滿，其實晚市都應該增添啲人手。講返手工意粉先🍝呢個芝士辣肉腸管蛋麵，味道濃郁，手工意粉嚟講都算好煙韌，整體唔錯黑松露闊蛋麵，一上台黑松露味道濃郁，闊蛋麵好有蛋味，同埋啲醬汁都好夠，但一食落去就有啲凍，可能人手不足，遲咗送到，就扣咗少少分整體來講，呢間都值得一試，嘢食味道平均，環境都算舒服可以坐成晚