京都薈 (Closed)

放工後同屋企人食飯，佢地都係偏好中式菜，所以去呢間食小菜。之前有試過火鍋，水準普普通通，今次試下小菜味道。-蛋白炒飯 炒飯唔算炒得好乾爽，只係普通茶記水準。蛋白碎唔夠香，唯一可以讚嘅係份量唔算少，但炒飯真係無咩鑊氣。-京式片皮鴨 估唔到有片皮鴨食，雖然無食過北京正宗片皮鴨，但自己都覺得呢款菜幾特別，所以專登叫咗試下。鴨肉油份稍多，肉質未算好嫩滑。裹住鴨肉嘅餅皮偏厚同太韌，質地都較嚡口。不過都會有醬汁同青瓜絲作伴，尚算可以。-上湯波士頓龍蝦伊麵 湯底亦唔夠濃郁，湯質偏稀，所以伊麵都唔太入味。龍蝦肉尚算不錯，唔會少得可憐，不過彈牙度同鮮度欠奉。-脆皮燒腩仔 燒腩脂肪唔會太多，脆皮都香口，無變得軟稔嘅情況。但略嫌太鹹，要靠白飯中和。-生炒骨呢款菜式令我頗驚喜，醬料幾特別，排骨酸甜適中，食落好開胃，伴飯一流。