居食屋「和民」 (置富第一城)

Open Now

Now Closed

尋晚去開第一城，諗住食埋飯先返屋企，行過和民，諗住帶左和民卡，食會員套餐都抵既，上次響第二間分店食都唔錯，於是......打開餐牌，叫左個二人餐，都幾多野食咁，但....前菜睇到都唔想食，連相都費事影，係幾粒凍冰冰既牛蒡😓餐中包左個沙律、刺身、pizza、三文魚牛油果卷、烤雞腿同牛肉壽喜燒......係咪好多野食咁呢？但我真係真心覺得無一樣好食呢！就連主菜都令人失望😓睇到鐵塊，係咪以為熱辣辣呢？錯，只係暖暖地😓失望牛肉壽喜燒，全餐最熱辣辣，事關有gas爐一路煲住，但味道一般😓跟餐刺身，食左無肚痛真係萬幸，三文魚比簿切厚少少咁多，隻蝦就一食就想吐返出嚟😵完全無新鮮可言😓三文魚牛油果卷，普通到無可普通，牛油果係無牛油果味既，三文魚就更加唔洗講😓雞肉pizza，凍冰冰，仲差過麵包店嗰啲pizza包😓其實食日本菜嚟講，和民既價位真係算幾抵，但佢每間分店既食品質素真係好參差，好明顯尋晚我地係中左伏既，所以.....呢間真係無下次😓