Video
Read full review
2019-07-12
152 views
今日去MegaBox睇戲，睇戲前梗係搵嘢醫肚啦！通常我哋都會去10樓food court睇吓有咩食，今次就入咗去一間食日本嘢嘅餐廳。我哋叫咗壽司，串燒，同埋炸物。最先嚟嘅係蟹子壽司，食落去都新鮮彈牙，紫菜亦都唔會話林，幾滿意！跟住嚟嘅就係吞拿魚、三文魚、貝類三食同埋火炙三味。咁多件壽司🍣味道其實都叫中規中矩，係件飯比較細少少！跟住來的係燒雞翼同埋燒牛舌，燒雞翼就比較大真雪味，同埋雞翼都比較薄身，應該係原本比較細隻，所以切開嘅時候就變咗好薄，雖然有另外調味，但係都唔能夠遮掩嗰陣雪味，比較一般。牛舌方面就做得好好啦，牛味相當濃郁，無牛蘇味，而燒嘅時間亦都啱啱好。全晚最失望嘅就係吉列炸蠔，一上枱就見到其實炸燶晒，亦都萎縮左好明顯炸嘅時間太耐！雖然下一次想食日本野嘅時候我都會再戰，但只會選擇性叫某啲食物就算啦！
今日去MegaBox睇戲，睇戲前梗係搵嘢醫肚啦！
通常我哋都會去10樓food court睇吓有咩食，今次就入咗去一間食日本嘢嘅餐廳。
我哋叫咗壽司，串燒，同埋炸物。
最先嚟嘅係蟹子壽司，食落去都新鮮彈牙，紫菜亦都唔會話林，幾滿意！
跟住嚟嘅就係吞拿魚、三文魚、貝類三食同埋火炙三味。
咁多件壽司🍣味道其實都叫中規中矩，係件飯比較細少少！
跟住來的係燒雞翼同埋燒牛舌，燒雞翼就比較大真雪味，
同埋雞翼都比較薄身，
應該係原本比較細隻，
所以切開嘅時候就變咗好薄，
雖然有另外調味，但係都唔能夠遮掩嗰陣雪味，
比較一般。
牛舌方面就做得好好啦，牛味相當濃郁，
無牛蘇味，而燒嘅時間亦都啱啱好。
全晚最失望嘅就係吉列炸蠔，一上枱就見到其實炸燶晒，亦都萎縮左好明顯炸嘅時間太耐！
雖然下一次想食日本野嘅時候我都會再戰，
但只會選擇性叫某啲食物就算啦！
Post
