豪宴海鮮酒家 (Closed)

黎親海柏商場，總會就得個旋轉木馬，仲記得細個每次黎海柏飲完茶，都會落去玩旋轉木馬。但到依家，旋轉木馬仍然健在，但酒樓已經轉左另一間，叫豪宴，今次就去試試。等地閒日下午茶時段入去，萬估唔到竟然要等位，我地一行三人，等左大約二十分鐘。有位之後就叫左幾款野食，先黎個鮑汁鳳爪，都幾入味，都厭d鳳爪唔夠滑。之後叫左碗皮蛋瘦肉粥，好大碗，但d皮蛋碎到食唔到咁制，瘦肉又係好碎，成個粥偏淡，岩d食野清淡既人。然後叫左個燒鴨米線。燒鴨既然比左鴨脾位，好開心！米線彈牙，一d都唔林，配埋個湯都幾好，意想唔到會咁好食！之後叫左個燒賣，一般般，唔夠熱，蒸完好似灘凍先拎出黎。整體黎講今次比個燒鴨米驚喜左，不過其他野食反而一般般，唔太特別。離開時發現晚市有任食打邊爐，希望搵日可以一試。