Honey Creme (Closed)

韓風雪糕熱潮有小小減退跡象，不過而家天氣咁熱，食返杯雪糕都係一大樂事！爆谷雪糕其實都已經興左成年以上，不過我自己好鍾意食，因為可以一次過有晒香脆軟滑嘅口感！攞上手咁大杯其實已經感覺好開心！不過覺得爆谷頗甜，雪糕奶味算重，滑身，不過都係頗甜！另外試左一啖鹽味朱古力雪糕，海鹽帶出咗朱古力味嘅苦澀，有少少谷古嘅味道。但又唔至於賣咁貴，其實同快餐店嘅味道唔差得好遠。雖然一般，但我同朋友都食得好開心！