Stage + 目黑壽司 (Closed)

星期五係公眾假期,估唔到呢度都有set lunch,同阿媽同細妹去食,揀左個x魚(唔記得係咩魚添…)螺絲粉同木瓜海鮮船,仲加個雪糕窩夫做甜品。餐湯係菠菜忌廉湯,我覺得好味呀!幾清,同埋真係食到菠菜,不過個湯唔係好夠杰,螺絲粉都唔錯,有兩條魚仔係面,既係紅汁,而螺絲粉又有唔同顏色,有米色又有綠色,個賣相為佢攞左唔少分數!木瓜海鮮船雖然唔差,但係就唔太鍾意,因為原來只係有海鮮,用半個木瓜裝住,而係無飯或粉之類,如果鍾意食木瓜既人都幾好既,因為可以”畢”到好多木瓜肉食,我就覺得麻麻!雪糕窩夫太好,窩夫好硬,醬又怪,紫色,可能係藍莓卦,不過就好杰囉,雪糕係呍呢嗱味,好普通。