Video
Read full review
2011-07-16
69 views
朋友話想食泰國菜, 諗起呢間就腳又唔差.生蝦刺身 - 生蝦鮮甜爽口, 配埋個泰式汁, 唔錯!木瓜絲沙律 - 有d 失望, 木瓜絲唔太爽口, 欠缺木瓜絲嘅清甜, 麻麻.咖喱炒蟹 - 咖喱汁做得唔錯, 唔太辣啱我口味! 而且咖喱汁無蓋過蟹嘅鮮甜. 明爐烏頭 - 加入好多香料, 新鮮味美!泰式拼盤 - 炸蝦餅, 雞翼同春卷都各有特色, 而且味道做得唔錯.泰式炒椰菜苗 - 椰菜苗炒得又係唔太腍, 味道一般.芒果蟹肉炒飯 - 呢個組合幾得意, 芒果清甜(不過有部份酸), 蟹肉鮮味, 飯身乾, 幾好.芒果糯米飯 - 我以為係黑糯米, 點知係白糯米, 椰漿太甜, 味道..蒜茸飽 - 唔夠脆, 無咩蒜茸香, 一般!印度薄餅 - 一般嘅印度薄餅, 無咩特別, 可以.椰汁綠豆冰 - 又一失望, 以為係綠豆蓉, 點知係原粒綠豆, 一般.炒貴刃 - 鮮蝦爽口, 炒得乾身而且帶少許酸甜幾得意.後記 : 我哋order 咗4人套餐, 因為餐牌無寫咖喱炒蟹跟蒜茸飽之類, 咁我哋就order 埋蒜茸飽, 但服務員話蒜茸飽跟餐送, 唔需要再叫, 咁我哋咪無再叫囉! 點知咖喱炒蟹都上咗枱, 等極都無蒜茸飽, 我哋就追啦
生蝦刺身 - 生蝦鮮甜爽口, 配埋個泰式汁, 唔錯!
木瓜絲沙律 - 有d 失望, 木瓜絲唔太爽口, 欠缺木瓜絲嘅清甜, 麻麻.
咖喱炒蟹 - 咖喱汁做得唔錯, 唔太辣啱我口味! 而且咖喱汁無蓋過蟹嘅鮮甜.
明爐烏頭 - 加入好多香料, 新鮮味美!
泰式拼盤 - 炸蝦餅, 雞翼同春卷都各有特色, 而且味道做得唔錯.
泰式炒椰菜苗 - 椰菜苗炒得又係唔太腍, 味道一般.
芒果蟹肉炒飯 - 呢個組合幾得意, 芒果清甜(不過有部份酸), 蟹肉鮮味, 飯身乾, 幾好.
芒果糯米飯 - 我以為係黑糯米, 點知係白糯米, 椰漿太甜, 味道..
蒜茸飽 - 唔夠脆, 無咩蒜茸香, 一般!
印度薄餅 - 一般嘅印度薄餅, 無咩特別, 可以.
椰汁綠豆冰 - 又一失望, 以為係綠豆蓉, 點知係原粒綠豆, 一般.
炒貴刃 - 鮮蝦爽口, 炒得乾身而且帶少許酸甜幾得意.
後記 : 我哋order 咗4人套餐, 因為餐牌無寫咖喱炒蟹跟蒜茸飽之類, 咁我哋就order 埋蒜茸飽, 但服務員話蒜茸飽跟餐送, 唔需要再叫, 咁我哋咪無再叫囉! 點知咖喱炒蟹都上咗枱, 等極都無蒜茸飽, 我哋就追啦! 另一個服務員竟然話我哋個餐唔包蒜茸飽! 我哋就話你哋個服務員話包我哋先無叫喎!
哈哈! 個服務員再答:"唔好意思呀! 嗰個係新同事, 佢答錯咗你" 答錯唔緊要, 但係都要同我哋講聲嘛!!!
Post
