Video
Read full review
2011-11-21
同事生日，於是決定LUNCH去食貴D。由於之前都黎過金田呢度食放題，覺得OK，於是LUNCH再黎食。11點幾打電話黎訂1點台。結果1點10分先黎到，一黎到就帶到位，真係留左張台係度，唔錯。由於遲左黎，所以一坐低就咋咋臨叫野食。叫左個豚肉豬骨濃湯拉面，個餐有沙律，小食，面豉湯，兩件吞拿魚軍艦，同甜品。約5分鐘後先上沙律，一般沙律醬+生菜既沙律。係食完沙律後5-10分鐘上菜我既食野習慣係會有湯飲湯先，所以一黎就飲面豉湯先。面豉湯好一般，而且味道偏咸，不過夠熱。個小食係類似魷魚咁既肉，煙煙UN UN咁幾好食，味道都唔錯。吞拿魚軍艦上面既吞拿魚好普通，好似係罐頭算拿魚撩出黎舖上面咁上下，無特別。主菜既豬骨湯 - 一飲完第一啖湯既感覺係 --- 完全無豬骨味。唔香之餘又無咩味，搞到要落七味粉，本身都唔係好鐘意食拉面落七味粉，但真係無味。D面質地都還OK，都有彈牙FEEL。豚肉有四大塊，不過食落好鞋。最後食雞翼，出面佢D味其實OK，但係完全唔入味，好明顯只係出面係咁意上左調味料就煮。龍吟虎嘯一番之後，唔係，係龍吞虎嚥之後，大家齊齊食甜品。都幾有紅莓味，唔錯。最後講下硬件，呢度環境唔錯，餐廳係長方形
同事生日，於是決定LUNCH去食貴D。
由於之前都黎過金田呢度食放題，覺得OK，於是LUNCH再黎食。
11點幾打電話黎訂1點台。
結果1點10分先黎到，一黎到就帶到位，真係留左張台係度，唔錯。
由於遲左黎，所以一坐低就咋咋臨叫野食。
叫左個豚肉豬骨濃湯拉面，個餐有沙律，小食，面豉湯，兩件吞拿魚軍艦，同甜品。
約5分鐘後先上沙律，一般沙律醬+生菜既沙律。
係食完沙律後5-10分鐘上菜
我既食野習慣係會有湯飲湯先，所以一黎就飲面豉湯先。面豉湯好一般，而且味道偏咸，不過夠熱。
個小食係類似魷魚咁既肉，煙煙UN UN咁幾好食，味道都唔錯。
吞拿魚軍艦上面既吞拿魚好普通，好似係罐頭算拿魚撩出黎舖上面咁上下，無特別。
主菜既豬骨湯 - 一飲完第一啖湯既感覺係 --- 完全無豬骨味。
唔香之餘又無咩味，搞到要落七味粉，本身都唔係好鐘意食拉面落七味粉，但真係無味。
D面質地都還OK，都有彈牙FEEL。
豚肉有四大塊，不過食落好鞋。
最後食雞翼，出面佢D味其實OK，但係完全唔入味，好明顯只係出面係咁意上左調味料就煮。
龍吟虎嘯一番之後，唔係，係龍吞虎嚥之後，大家齊齊食甜品。
都幾有紅莓味，唔錯。最後講下硬件，呢度環境唔錯，餐廳係長方形，門口係中間，入左去之後再分兩邊行，
兩邊都有大玻璃望出街，夜晚加埋燈光都應該唔錯。
D waiter既服務態度就認真一般，
我食完果陣個甜品放左上墊台紙上面食，仲"不"緊黎食既時候個waiter黎收隻碗，
佢連紙帶碗咁樣拖走，當然連我食緊既甜品，同埋仲滿既茶杯都拖走埋，
佢唔幫我拎番出黎都算，又sorry都無講，我要自己好急咁拎番，佢就若無其視咁照執野，真係好搞笑。
總括黎講其實都算幾差，唔係係咪因為呢度唔擅長熟食，
因為之前夜晚黎食放題既食物質素係OK的，唔知點解午市搞到咁。
但係同事食既魚生飯就好似唔錯。
如果只係計今次黎講，以食物質素再加上價錢其實夠我俾個"差"佢，
但係以之前食過另一個午餐"網燒牛扒飯"同晚市放題黎講其實係唔錯，
所以我今次俾個"OK"佢，希望佢樣樣都做好D啦，因為話哂其實都唔算平，
收得呢個價錢應該可以再好D。
Post
