意粉廚房

Open Now

Now Closed

落雨既晚上，晚上七點左右，晌尖沙咀街頭被佢既鋪外圍板吸引，一百蚊內有一個意粉餐包飲品，似乎食得過。入到去要落一層樓梯，感覺似一般商業大廈既環境。但餐廳入面既環境算唔錯，靜靜地唔多人。食物方面，冇影到相，叫左個黑松露油帶子菠菜麵同蕃茄海鮮意粉。落單後店員奉上餐包，然後同我地講餐湯同餐飲要自己出去拎，自助形式但唔可以refill。餐湯係磨菇湯，有磨菇味但偏咸。兩個麵都比想像中細碟。菠菜麵個汁原來係芝士汁，成個名都冇提過，帶子係okay的，但加埋蒜片就怪怪地，因為個芝士汁偏甜，就算加左辣椒仔都甜，唔太match。蕃茄海鮮意粉都係好甜，呢隻甜食得出唔係來自蕃茄本身，應該落左糖，啲料就有青口、魷魚、蝦、魚同埋又有蒜片。兩個意粉餐埋單二百頭，唔算太貴但唔太值，因為味道麻麻地，同埋雖然個侍應好好禮貌，但其實要個客自己出去斟野飲拎湯但又唔係可以refill真係有啲怪。