泰園 (Closed)

今日跟朋友仔去左泰園試下新派泰國菜。店鋪裝修跟一般西餐廳差不多, 有好多刺身等都放晒出黎, 主打都係食海鮮吧.... 雖然本身都諗住點海鮮食, 但一睇menu.... 好唔抵囉... 本身想叫"咖喱炒大頭蝦", 要HK$325, 但得2隻....感覺有點略貴... 燒海鮮方面, 普通燒虎蝦都要100蚊一隻.... 建議大家都係去番D專門食串燒/燒烤既餐廳... 起碼果D地方夠專業同埋價錢都無咁貴囉.....先點了炸魚餅... 一睇... 舊舊都好黑... 雖然下面墊左生菜... 但好多油... 我明白炸物係多油, 但今次.. 好似誇左少少..... 味道都略鹹...跟住係生蝦刺身。哩個係成晚裡面我唯一感到欣慰的。蝦本身肥美, 完全無腥味, 爽口十足。 醬汁帶酸偏辣, 十分開胃。可能餐廳都係以刺身為主吧!再來既係黃咖喱雞, 我地另外點了烤餅點咖喱汁。首先黃咖喱味道還可以, 雞件尚算嫩滑, 但我就認為偏鹹, 建議可加強椰汁味。烤餅真係比較差, 勁薄又勁硬, 上下2塊仲要係痴埋一齊咁濟, 完全無鬆軟既感覺, 想問師父係咪用錯麵粉?!