金記冰室 (新港城中心4期) (Closed)

今日放工就同屋企人去試下依間金記，平時見佢門口成日都排長龍好受歡迎咁就決定試下，入到去環境都算唔錯，卡位都幾好坐。果時係下午茶時間，而且都有幾多選擇，我地就叫左兩個下午茶，一個係乾炒牛河，另一個係炸髀配西多士，等一陣就上菜啦。首先碟乾炒牛河就麻麻地，可能係下午茶嘅關係，份量有啲少，食完都好似差少少唔多夠飽，而且味道有啲濃。反而炸髀西多士就好啲，雖然隻炸髀外表睇落好似炸得太乾，但係一切開就見到啲肉滑嫩多汁，味道仲唔錯。但係塊西多士就差少少有啲簿身。