好媽媽台灣館 (Closed)

話說朋友想食台灣嘢，響Open rice睇完好幾間之後決定去呢度，因為個個都讚好似好好食咁。舖頭細細，不過都唔算好舒服，食完就走茶餐廳個隻囉。舖頭嘅姐姐態度都ok。打開餐牌樣樣都好似好吸引，上菜好快。啲餸大約四五十蚊一碟，唔算貴，而且都算大碟，炸雞排都好大舊㗎。可惜餸菜略涼，肉燥飯如果可以多啲肉多啲汁會開心啲，珍珠奶茶唔夠茶味，略甜。不過平噃！兩個人百零蚊，平平實實。雖然只能用一般般形容，不過佢哋小本經營唔係大集團，平平地嘅飽肚選擇。