龍川雲南米線

Open Now

Now Closed

睇左好多嘅差評，但據知佢又係米線關注組嘅新寵，而且由太子開到嚟元朗，所以都係決定試試先。佢湯底有6款揀，朋友就揀左麻辣湯小鍋米線揀左4個餸，分別係滑牛，芽菜，金菇同蘿蔔，滑牛係唔會再試，因為太普通冇咩特別; 另外自己就叫左麻辣胡椒湯小鍋米線，兩個餸叫左黃金墨魚餅同埋招牌腩肉，墨魚餅就幾彈牙，腩肉就肥瘦適中，都算幾入味，不過佢個湯底就偏胡椒味啲，完全冇麻辣嘅感覺，米線份量亦都適中，不過米線都係煮得偏淋身；仲叫左個豬頸肉嘅小食，睇得出應該係即炸所以都酥脆，而且唔會太乾身同鞋，都值得一試。整體而言，都唔算係太差，不過可能下次會去試返太子本店先。