道頓堀御好燒專門店 (K11購物藝術館) (Closed)

今日去左少沙咀舊K11試下商場入面既餐廳，見到有一間係做自助大板燒，我地叫左份單點就夠，其實叫兩份，兩個人食，都已經夠飽。因為佢啲醬料好油膩，好飽肚，叫自助好似好曬錢！我地分別點左1份1 CM厚切加拿大自然豬腩肉同埋雞牛豬炒麵，佢其餘果啲款式其實都係萬變不離其中，都係大板燒，我地想兩款食物都試下，就試下叫個炒麵，但諗番起其實唔抵同埋唔應該！個炒麵同平時係茶記既冇咩分別，仲要自己比貴啲錢去自己炒......味道方面就毋須要評價吧，畢竟都係自己炒，自己落配料及醬汁。1. 1 CM厚切加拿大自然豬腩肉 8/10呢份豬腩肉質素頗佳，新鮮味美，幾有肉地，幾好咬口，我幾鐘意！大板醬同食材中規中矩，比得呢個價錢，預左佢個味道同啲小食舖其實相差不遠，但真係感受下自己既個人參與度同埋同朋友既互動，志在參與！2. 炒麵 5/10自製乾炒牛河，冇咩特別，自己洗多一百蚊比自己去煮，好似好傻。建議大家唔好去到點呢一個。