鮨樂 (D2 Place ONE)

Open Now

Now Closed

之前其實去過荃灣嗰間分店享用晚餐，今次就嚟到D2 Place。公眾假期夜晚入座率大約七成，無需等位，服務態度其實還好，環境衛生都令人滿意。我同另一個人就嗌咗一個壽司拼盤套餐，一個海膽特上魚生飯套餐，同埋一客北海道原隻海膽，每份套餐都會附送一客沙律同埋味噌湯。個魚生飯就係我食嘅，有吞拿魚、帶子、甜蝦、海、蛋、油甘魚，賣相就請參考我附送嘅圖，味道就還好嘅。但係我哋額外嗌嘅嗰份海膽係我食過有史以來味道最差嘅，非常失望。最後係驚喜地每人有一個免費嘅朱古力雪糕，某程度上為呢間舖頭挽回咗少少分數。