Video
Read full review
2013-07-09
1024 views
臨急臨忙之下last minute book咗呢間餐廳食個quick lunch。之前雖然已經食過幾次，但感覺都只係一般豉油西餐味道，除左location比較就腳之外基本上無乜野特別，只係俾茶記坐得較為舒服。餐牌既選擇比一般餐廳為多（有成14款咁多！），喺香港既set lunch黎講比較少見。是日叫左F餐（香煎美國豬扒伴牛油粟米配蜜糖洋葱汁）。首先上場既係羅宋湯同埋麵包。坦白講，非常一般，極其量我只會話佢同「椰X閣」或者「花X餐廳」既質素差唔多，應該都係果D bulk purchase 一大lot買返黎既product果D質素。口感方面一如所料，成個飽都係凍既，一口咬落去既感覺係好硬、好硬同埋好硬，好似啱啱喺雪櫃拎出黎咁，攞去微波爐叮返熱都費事！湯方面，again一般茶記水平。料算係不過不失啦，都可以搵到兩三舊紅蘿白同埋少少菜頭菜尾既，不過口感就真係好一般，好似飲緊羅宋湯開水溝味精咁，得個鹹字，完全搵唔到任何蔬菜或者肉既味道喺裏面！主菜方面，坦白講比expectation重要差。豬扒雖然煙得好鬆軟，好夠火喉，但係當放咗係洋葱汁上面既時候，因為個汁凍左慢慢開似凝固，令到好似有一pat野咁
是日叫左F餐（香煎美國豬扒伴牛油粟米配蜜糖洋葱汁）。首先上場既係羅宋湯同埋麵包。坦白講，非常一般，極其量我只會話佢同「椰X閣」或者「花X餐廳」既質素差唔多，應該都係果D bulk purchase 一大lot買返黎既product果D質素。口感方面一如所料，成個飽都係凍既，一口咬落去既感覺係好硬、好硬同埋好硬，好似啱啱喺雪櫃拎出黎咁，攞去微波爐叮返熱都費事！湯方面，again一般茶記水平。料算係不過不失啦，都可以搵到兩三舊紅蘿白同埋少少菜頭菜尾既，不過口感就真係好一般，好似飲緊羅宋湯開水溝味精咁，得個鹹字，完全搵唔到任何蔬菜或者肉既味道喺裏面！
主菜方面，坦白講比expectation重要差。豬扒雖然煙得好鬆軟，好夠火喉，但係當放咗係洋葱汁上面既時候，因為個汁凍左慢慢開似凝固，令到好似有一pat野咁gel 住喺豬扒上面。配菜方面，西蘭花同蕃茄算係唔錯，西蘭花入口時重食到少少新鮮既蔬菜味，而蕃茄亦都重食到佢既甜味，感覺到應該唔係落糖去夾硬製造出黎既artificial既甜味。全碟最喜出望外既反而係意粉，味道十分特別，用左蕃茄醬去煮不單止更加惹味，而且少少酸酸mei mei既感覺令到胃口大增，令平時唔太好意粉既我都食晒食碟，只可惜意粉稍為硬左少少，令到入口既時候口感差左DD，不過都可以勉強接受到。
餐飲果D毫無特別，提唔提都罷。Overall呢個餐以咁既價錢喺中環都叫做合理。當翠華都賣緊差唔多價錢既時候，佢重可以提供少少所謂「服務」（要收加一），可想而知無可避免要喺食物質素方面作出取捨了！
Other Info. :
餐廳免費提供WiFi，因為basement完全收唔到電話！
(The above review is the personal opinion of a user which does not represent OpenRice's point of view.)
Post
