梨花園韓國料理 (Closed)

一行4人去食午餐, 12點半就去到, 所以唔駛等位。我地一坐落ORDER食物後, 餐廳就全滿了。所以要黎食野的朋友, 早少少去好D。SET LUNCH 有10幾款有得揀, 有BBQ, 有湯, 有炒餸, 有粉絲揀。我地一行4人, 一個叫左BBQ, 一個叫左純豆腐湯, 二個叫左粉絲牛肉湯。每個餐都有前菜跟, 不過一個人又係5小碟前菜, 4個人都係一份5小碟前菜, 要加$10先可以REFILL一款。唔抵唔抵。BBQ SET: 望落已經唔係好想食, SO CALL 叫BBQ, 但係D 肉又唔燶吓, 又無咩色水, 好似人地炒野咁, 唯一好既係用鐵板上。粉絲牛肉湯: 係碗上, 所以不是太熱。牛肉好碎, 粉絲無咩味又唔多。湯唔夠濃又唔辣, 硬係怪怪地咁。唔係咁好食囉。最好食應該係個純豆腐湯, 入面有少少海鮮, 所以個湯底好味過牛肉個個湯好多。豆腐又夠滑, 所以3款入面最好食就係呢個。畢竟都係韓國野, 佢夜晚有得BBQ, 所以張枱係頂住腳個D, 唔係咁好坐。同埋唔係咁好食又要成舊水。所以不建議去。