屯門咖喱屋

Open Now

Now Closed

好耐無食印度咖哩，聽聞呢間屯門咖哩屋係印度人主理，咁一於黎試下係咪咁正宗先。中午1點半左右去到暫時full左，都要得15分鐘左右先入得去，証明都幾多人鍾意食，佢d午餐set都幾抵，有飯有咖哩有烤餅有幾條薯條仲有d3色豆，不過算牛或羊就要另外加錢，個套餐包飲品但轉印度拉茶同乳酪就要加錢。今日叫左份咖哩牛同拉茶，咖哩唔會好辣，有咖哩味，正正常常，飯唔係用印度米，略為唔夠正宗，跟餐個烤餅應該擺左一段時間，黎到已經凍凍地同有d淋，唔夠食再諗住叫多份薯仔炸烤餅配埋d咖哩食，侍應落錯單整左份普通既，但唔緊要啦照食都得，另叫果份烤餅就新鮮整既，又熱又外脆內軟，呢份加分，飲品加10蚊轉印度拉茶，好重香料味同平時似開既奶茶好唔同，應該就係落左傳說中既馬沙啦。整體算係普通啦，價錢尚算合理，乾淨又衛生。