屯門咖喱屋

Open Now

Now Closed

平日夜晚六點幾七點嚟到，間餐廳冇咩人～但係走嘅時候七點幾左右，啲位已經爆曬🤣一入到去服務態度好好～好好笑容😁✨嗌咗個二人餐後，一嚟就嚟咗一啲小食四個細細個嘅波波，入面有啲似澱粉（ ？）煙煙韌韌嘅感覺🤣點埋啲醬酸酸地都唔錯嘅～✨印色串燒雞件唔算滑，依啲應該就係印色嘅味道～其實都幾好食，幾開胃咁！✨啲咖喱都嗌咗最少嘅辣🥘其實食落真係唔覺辣😂咖喱雞好食嘅～所以都俾咗四個星⭐️✨我係鍾意食羊嘅，咖喱羊嘅羊味好香，同咖喱好夾，好食過咖喱雞添，正! 🍛✨烤餅唔脆嘅，熱辣辣，用嚟點咖喱🍛✨炒椰菜冇特別，純粹有啲菜落肚～✨以上～二人套餐 $205 （咖喱羊+$14）💰仲有好多菜式～應該會encore!😋各位留意開店時間🫡🕰️星期一至五 11:00-15:00，18:00-22:30 星期六至日 11:00-22:30

第一次幫襯叫左二人餐，咖哩雞肉梅系很梅，牛肉又靱，唔好食都唔緊要，店員見我哋差不多食完，但未食完，已經執哂我哋張枱碟可能(伛見門口有一枱客人)，得返兩杯野飲，我哋匆匆飲埋杯野走人，食得太辛苦，趕客走嘅

屯門人冇理由唔識嘅正宗印度咖喱餐廳💁🏻‍♀️雖然未到由細食到大，呢間一直都係屯門區入邊食印度咖喱嘅不二之選💕是晚三個女仔食個兩人餐都已經好夠飽。嗰晚仲要唔多人食，好似包場咁，靜靜地傾偈都幾好。✨二人套餐✨ HKD205//餐湯 （雞湯）//印式串燒五香雞件🌶️//咖喱牛 （+HKD8)//咖喱雞🌶️//蒜蓉炒椰菜//白飯（碗）+烤餅（4塊）//拉茶//芒果乳酪💡Highlight兩隻咖喱都有椰香味，不過牛肉配咖喱隻味會出啲，同埋冇咁辣。烤餅都係熱辣辣上桌，咩都唔點已經好有麥香微烘味🤤，加埋咖喱汁簡直就係味覺一大享受。

上次同朋友去屯門睇戲，之後行行吓見到呢間幾有特色嘅印度餐廳，小女子醒起幾年前都食過，所以就決定同朋友去食多次今次叫咗2人餐$205個餐包咗是日餐湯印式串燒五香雞件2款咖哩(咖哩雞，咖哩牛脷)蒜茸炒椰菜白飯和烤餅2杯野飲(凍檸檬茶)一入去未叫野食就送咗個小食醫肚先，個餐湯係雞湯，入面有雞肉，亦有胡椒味，清得嚟幾好飲個五香雞件肉質都淋，但係就幾辣，辣過咖哩嘅主菜呢次咖哩就揀咗雞同牛脷，兩款咖哩味道同顏色都有少少唔同，但兩樣都唔會太辣，咖哩雞嘅咖哩色澤比較淡，雞肉唔算特別滑，不過都好淋同入味，咖哩牛脷嘅咖哩就比較深色dd，而且每塊牛脷都好厚身，又好淋，所以好有口感蒜茸炒椰菜就正常味道，除咗可以配白飯，烤餅都比較特別，值得一提係個烤餅好大塊，而且口感煙韌，點咖哩一齊食好夾，好好味呢個價錢仲包埋兩杯飲品，而且唔洗加一，性價比都幾高，加上正宗印度野都唔係周圍都有，如果入到屯門都可以試試呢間 

呢間屯門咖喱屋開咗好耐由我中學嗰陣已經成日過嚟食咁多年來佢個價錢都唔貴午餐$48已經有一set有飯有薯條有烤餅有湯今次我嗌咗咖喱雞佢而家可能改良咗，所以冇咁辣但係好重香料味真係好惹味😋😋😋😋😋😋另外佢個咖喱牛舌都好好食每一件都係厚切好有咬口 又冇臊味😋😋😋😋😋😋😋個胡椒粟米湯睇個外貌麻麻地但係其實飲落去係好重胡椒味每次都忍唔住要飲晒佢😋😋😋😋😋😋真係值得推介👍🏻👍🏻👍🏻

原本講好食泰國菜，友人卻臨時變卦揀咗屯門咖喱屋。-餐廳設計明顯略舊過時，舊冰室枱凳配印度風牆身，餐廳有鏡，唔夾，燈光暗，偏黃，坐得迫，拼枱。有中英餐牌，有套餐，選擇多，價錢平。-平日夜晚幫襯，唔使等位，侍應非香港人，人手勉強足夠，小忙，服務態度正常。-友人唔食辣，諗咗一陣決定散叫。一坐低送雞湯同印度小食。-雞湯色澤濃，有雞肉，唔錯，友人嫌略鹹。-印度小食唔知係咩配兩個醬汁，粒狀炸物，微暖，本身應該外脆內軟但係腍咗，口感似炸飯團，有啲啲煙韌，略帶香料味，唔錯。-香濃鮮茄奶油雞份量少，雞件多，咖喱稠，味道微酸帶甜，微辣。-印度蒜蓉烤餅份量正常，蒜蓉香，口感煙韌，好食-印式蒜香炒西蘭花份量小，家常菜，有港或香味，略鹹，口感偏腍，友人鍾意-印度黃飯份量正常，有唔同嘅米飯，粒粒分明，口感偏乾硬，有香料味，友人唔鍾意-整體而言，屯門區內熱門小店，性價比高，味道正常，烤餅好食。

我地一行5人叫左個4人餐加單人餐同炸洋蔥圈。咖哩蛋 - 好古怪既選擇，味道正常，雞蛋正常入唔到味，所以表現正常。咖哩牛舌，呢個真係Openrice無介紹錯，又淋又香。印度皇飯 - 正常表現炸洋蔥圈，又香又脆，出色既。芝士Naan，唔係拉絲，佢係一舊舊feta cheese，我覺得係特別，而且比拉絲既芝士更濃芝士味。牛油Naan - 好香手抓餅 - 好香拉茶 Masala Tea - 係我地面對表演係特別既，但唔夠茶香。Overall份量比較少，亦無前菜，價錢係較相宜既。

Forget fancy ambiance and white tablecloths, Tuen Mun Curry House is all about delivering delicious, authentic curries at a price that won't break the bank.Lunchtime Steal: For a mere $48 HKD, I was treated to a lunch set that could have easily fed two. We're talking soup, chicken curry, mixed vegetables, fries, rice, naan bread, and a drink – a veritable feast!Flavor Explosion: The curry was the star of the show, boasting a rich and complex blend of spices that had me reaching for more rice and

同男朋友一齊果一日就係佢帶我黎尼間屯門既小店❤️所以每年既尼一日我地都會返黎回憶一下。二人套餐包左個餐湯，一份雞件，兩款咖哩，一碟椰菜，白飯烤餅同兩杯野飲。每樣野都好大份都係人均一百蚊，完全唔驚唔夠食。兩款咖哩入面我地最常叫既係咖哩雞同牛，佢個牛好入味同好淋。之前亦都有試過牛脷，唔會話好薄唔知食乜咁，真係每一舊都厚切。咖哩汁好重香料味，撈飯食同沾烤餅真係一流😋值得一試！！佢仲有個拉茶好岀名，店員會係你面前拉岀好多泡泡。可惜我地都唔飲奶茶只可以睇下隔離枱既表演。大家有興趣可以試下😛

小店｜正宗印度咖喱🥘咖喱雞套餐有湯、咖喱雞、雜菜、薯條、白飯、印度烤餅、飲品咖喱味好香，非常地道。雞肉唔柴口亦都好入味，好抵食既套餐👍🏻☕️拉茶專人會黎到你面前 ‘拉呀拉呀’，好似一個表演，其他人都會望過黎睇，拉左杯熱拉茶，綿密既泡泡，甜度適中，茶味濃厚，非常地道

嚟到屯門緊喺要跟當地街坊試吓啲街坊餐廳，今日6:00pm嚟到，已經有兩檯客食緊，餐牌花多眼亂，最後都唔想煩，點咗個二人餐，轉咗手抓餅同拉茶。一來到上咗個雞湯先，真喺嘅甜同好岩香港人口味，胡椒味比較重Chicken Tikka作為前菜，普通不過不失喱個咖哩牛脷要大讚，大大舊厚切，炆到好軟身，個人比較喜歡喱種軟身嘅質感咖哩雞同牛脷都喺同一個咖哩底，喱個咖哩喺唔辣的，所以好岩送飯，食食下平時唔喺點食飯嘅都會食哂成碗炒雜菜就是普通的，甜甜地配埋咖哩好match手抓餅真喺要盡快食，凍咗個口感無咁好終於來到重頭戲，喺你臉前拉出超多泡泡嘅拉茶，打卡必點之選

用餐時間（11:56am lunch）follow@wojengyea/@wo!正嘢 for more food info🐒 支持我哋發掘更多美食 😋早幾年好鍾意食佢晏晝，性價比幾高，隔幾年再試質素有啲唔同。👀今次照樣叫佢午市套餐（衰嘢又真係幾抵👍🏽）；包括湯、蔬菜、薯條、飯、印度烤餅、冷/熱飲品。一坐低佢就會上碗湯但千祈唔好有期望，係好稀嘅粟米湯🌽再加兩舊雞，鹹到飛起，嚟咗咁多次，我冇一次飲得晒。Naan 外脆內鬆軟，熱辣辣即刻食非常好吃，我估我可以食10塊 🫓 米晤係印度香米🌾 有點失色，而且食得出有啲米係未煮熟（每一啖都好難受），建議你哋嚟可以將飯轉晒做Naan，問咗老闆娘話無問題。蔬菜加咗小茴香去煮，原本三色豆🌽🥕平平無奇就變得好味咗，但係凍嘅（唔知佢係咪for凍食？🤷🏾‍♂️）加$12飲個拉茶（個印度人喺你面前拉✌🏽），次次飲都覺得太甜，今次嗌咗少甜🍬 ，飲得出唔只得甜味，香料更香濃更出，反而仲好飲咗。🤩夜晚都嚟過幾次，見佢好多外國人、印度人都嚟食，不過個人都係鍾情九龍城嘅咖喱🍛。

由我讀書既時候已經開既一間印度咖哩店，第一次食印度咖哩既我，選擇午餐去食，午餐好似一碟碟頭飯，咖哩牛脷吾辣，煮得夠淋，套餐包括薯條，印度烤餅，雜豆，飯，重有餐湯，我叫左杯拉茶，廚師會即場係你面前拉茶，裡面全部職員都係印度人，感覺好正宗，好親民！

作為置樂區街坊，多年來經常幫襯屯門咖哩屋外賣，從來沒有出過錯。今午外賣自取回家後，發現漏了一份油餅，唯有致電餐廳表示漏了，計劃到餐廳取回。誰知餐廳職員表示歉意，態度極好，還主動表示會送到我家門！ 我簡直受寵若驚！幾分鐘後，職員便把油餅送到。一直很喜歡咖哩屋的食物，抵食又好味，今次服務更令我十分難忘和欣賞。

近期上到屯門工作，今日見到屯門咖喱屋，主廚是印度人，黃昏6點度場內都坐咗唔少人，好似不錯，決定入去試吓。精選晚餐套餐:🌟#是日餐湯質地濃郁，味道鮮美。🌟#小食:串燒五香雞件以獨特的五香調味，每一口都帶來濃郁的香氣和嫩滑的口感，開胃菜不錯。🌟#咖喱牛舌香濃的咖喱醬汁，牛舌的鮮嫩與咖喱的香辣完美融合，令人回味無窮。🌟#咖喱羊肉羊肉嫩滑鬆軟，沒有羶味，但兩款咖喱味道一樣，略為普通。🌟#白飯+手抓餅口感香糯，外皮酥脆，內餡鬆軟，可以將咖喱的醬汁完美地吸附在其中。🌟#餐飲普通。價錢親民，上菜快，店員有禮主動。