麻布茶房 (Closed)

同D friend去食飯,佢地話去麻布茶房,所以就去試下我地4個女仔叫左2個飯,一個卷物同黑芝麻蜜豆甜品;其實份量唔算大,係個碗大,都係啱啱夠食,無剩低首先講下D飯:南瓜蛋包飯:南瓜汁好好味,蛋包飯賣相好靚,不過原來唔係我平時食開0既蕃茄飯,只係白飯,有少少失望,叉燒好好味,口感好,但係得4粒...滑蛋鰻魚飯:鰻魚幾好味,不過得4條,同人地share都唔係好敢夾總括黎講飯多餸少,唔想食都係因為唔想淨係食白飯卷物:饅魚綠茶卷,綠茶原來係指面,出面個紫菜炸過,但係唔覺得脆,而且我食唔到有鰻魚,淨係食到面,食左一件就唔想再食黑芝麻蜜豆甜品:呢個最好,黑芝麻雪糕好滑好有芝麻味,cream好滑好奶,底下有D類似大菜糕粒0既東東,淡淡地幾有咬口,蜜豆就少左D(唔講唔覺),上面有水果片,杏脯肉同小型日式大福,好好味,如果俾我揀,我會唔食飯淨係食佢0既甜品,因為賣相好靚,味道又好因為我地去0既係晏晝,人唔多,坐得好舒服,waiter不斷加茶俾我地,可以慢慢傾計,雖然係貴左D,淨係話食就唔抵,但係如果計埋可以坐,我覺得咁0既價錢都算可以接受