小炒皇

Open Now

Now Closed

天氣實在太熱關係，對，我又叫外賣食算-0-。叫左個菠蘿雞絲炒飯涷檸茶，等左大概廿分鐘左右就送到黎啦，打開又幾大盒咁啵，但係咁似西炒飯既，試左啖，根本就係西炒飯-0-，以西炒飯嘅角度黎講都算炒得OK啦，飯夠乾身，蛋絲均勻，只係上色方面有小小不均，另外味道都足夠，冇話太咸太淡。但用番菠蘿雞絲炒飯角度黎睇就完全唔得喇，又唔甜又唔夠酸，波蘿首先冇炒香，其次只有幾粒，雞絲煮熟先切，根本變左做雞片，而且肉質太乾，開頭仲以為係叉燒。仲有食落好奇怪，有陣葡汁味，唔知係咪原身係葡汁雞扒，賣剩就切碎拎去炒飯。涷檸茶都OK啦，夠涷，茶味夠，可惜澀左小小。餐湯唔錯，有幾舊瓜咬下。睇番價錢同質素，除非冇其他選擇我先會再光顧。