Flamingo Bloom (Closed)

上網見到呢間新開張既飲品點有買一送一，所以就去試下。飲品價錢就算唔買一送一都算幾平，尤其是佢開係中環。我地叫左杯奶蓋茉香綠茶同珍珠烏龍奶茶。奶蓋綠茶茶味好香濃，個奶蓋都好滑。但係杯烏龍茶麻麻地，冇茶味，成杯都好淡。另外就係我地發現我地個杯上面咩都冇，然後見到隔離檯既飲品都係有個粉紅色貼紙，為左影張靚少少既相，咁我就問職員可唔可以要番個貼紙(佢應該係貼漏左)。個職員本身唔係好明我講咩貼紙，佢明白之後就話「成張俾曬你啦」但係佢態度真係麻麻地。講真我想要個貼紙都係想張相靚d，而且係佢貼漏左。受到咁既態度，加上飲品好普通，我覺得間鋪頭唔係真係咁吸引。