西樹泡芙 (沙田站)

Open Now

Now Closed

今日屎忽痕買左盒奶皇月🤣因為平時經過佢鋪頭總會聞到陣香味，會忍唔住買個泡芺食。今次就比佢既奶皇月吸引左。其實我幾欣賞佢既包裝，送禮幾靚幾得體，仲要係湖水藍😍😍.但佢既價錢算中位價啦，$168@4，除番開$42個，但佢既size比較細隻。所以平唔平就見仁見志喇。.一打開已經好大陣奶皇味，一路影相，一路流晒口水，仲吸引左好多餓狼黎搶食。.佢好鬆軟，所以好易切開，而一切開就見到流心既奶皇。因為得冇整熱食，所以可能影響到少少質感。整體些得覺得味道不太甜，不太膩，但可能得我冇整熱，我覺得成個餅好粉。所以就好似食緊以前果d一磚食十年都食唔晒，食到成口粉既花生糕。（如你有食過會明我講咩）下次我會些下整熱，可能會好食d。最後我都係要用花茶先送得晒成件餅。買唔買得過就u諗u 喇。.但佢最近做緊promotion$28一個，所以想試下岩唔岩味可以買下。