轉角 (Closed)

轉角今日難得嚟屯門，當然要試吓呢一間餐廳，平日就係網上見到好多人食，今日決定要一試！今日叫咗呢一個玉子燒，總共會有三舊，份量適中，至於味道方面都不錯！總之就不過不失啦。除咗玉子燒，仲嗌左個咖喱飯 同埋溫泉蛋牛肉意粉，首先講吓個咖喱飯先，咖喱味其實唔算好濃郁，比較偏向港式咖喱，唔會系日式咖喱！咁個吉列豬扒我就覺得好硬身，吾太吸引。但係依家錢來講的確係幾抵食， 60幾蚊大大碟，份量夠晒，只係味道欠佳，如果你係選擇想要食飽個肚嘅話，呢個都係一個唔錯嘅選擇！至於個溫泉蛋牛肉意粉，份量一樣夠大，我個人認為不錯，個溫泉蛋整得幾好食，啲牛肉都係大大塊，而且都幾入味。