譽棧

Open Now

Now Closed

當晚要搵食晚餐嘅地方，經過記得以前呢間係茶餐廳，見佢全新裝修，晚餐價錢合理就入去一試。落單可以掃qr code或者叫伙記幫手都得。朋友點了廚房推介“大澳炒飯”，跟餐湯和餐飲。中湯係霸王花豬骨，味道怪怪的，不似霸王花煲出來嘅味道😝餐飲點咗凍奶茶少甜，完全唔似港式奶茶。大澳炒飯係好食，有蝦有魚肉粒，用蝦醬炒飯好香唔會死鹹。我點了鐵板餐黑椒汁牛扒配薯菜，羅宋湯熱齋啡。羅宋湯無肉只有菜，唔酸只係得個“辣”字，飲咗兩啖放棄。牛扒要7成熟，做到我嘅要求，但牛扒向鐵板嘅一面燶咗D😮‍💨，黑椒汁上灑咗黑椒碎粒，完全唔夾兼無黑椒味，薯菜個“菜”只得一片番茄，薯條還可以，唔係熱只係少少脆。熱齋啡唔太苦澀。估計叫中式小菜類會好食好多。