鮨樂 (奧海城3期) (Closed)

晚上7點幾經過見到新開就睇下，橫掂見walk in唔使等位。係門口問staff拎個menu睇下有咩野食，見到有啲set menu好似唔錯咁就入左去了。不過坐底搵唔到岩岩睇果個set menu就問staff，後來先被告之我門口睇果個係lunch menu。咁我夜晚7點幾問睇menu果陣比lunch我睇既做咩😂anyway 我同男朋友唔太肚餓就order左佢個極上海膽刺身盛合+一碗安格斯牛肉+一杯可樂威士忌梳打。老實講，如果正價去食依個極上海膽刺身盛合，我寧願去二期既Yaki ANA，presentation 無我想像中值788既感覺，同埋食左拖羅同其他刺身係有筋？總之就咬唔爛。海膽係唔錯既正常發揮，帶子刺身加埋檸檬汁幾鮮甜，不過可惜都係有小小位咬唔爛。碗牛肉烏冬我就有小小失望，幾塊牛肉都係無牛肉味，反而食落似豚肉，同埋好多筋，又係咬唔爛，烏冬係簿身果隻，冬菇湯底，食落無咩特別，雖然感謝staff們都好主動幫我加茶，但整體來講我覺得一般般。