Dear Lilly (Closed)

呢日同個朋友食個tea，見佢唔係好貴，同一直久仰大名，所以就入去試吓佢。冇諗過平日都咁爆咁多人。未算要去到排好耐隊，不過係full house 既狀態。其實餐廳裏面都坐得幾迫，見有啲好慘坐好近門口，感覺唔係太舒服。呢日好好彩坐到心形位。喺餐廳入邊大部份人都係嗌呢個下午茶餐。$300兩個人，個價錢都好合理，有鹹點甜點仲有scone。嘢飲嘅款式都幾多下。佢鹹點基本上係三文治，味道有一兩款好新奇食到咖喱味。甜點整體味道都正常，不過到枱嘅時候見到開始有啲倒汗水。而個scone 味道都正常，plain and raisin 各一！